தஞ்சை தலைமை தபால் நிலையம் அருகே அதிமுகவினர் ஆர்ப்பாட்டம்
தஞ்சை தலைமை தபால் நிலையம் அருகே அண்ணாமலை உருவ பொம்மை எரிப்பு போலீசாருக்கும் அதிமுகவினருக்கும் இடையே பெரும் தள்ளுமுள்ளு ஏற்பட்டதால் பெரும் பரபரப்பு
அதிமுக பொதுச்செயலாளர் எடப்பாடி பழனிச்சாமியை பாஜக மாநில தலைவர் அண்ணாமலை தொடர்ந்து தரக்குறைவாக விமர்சனம் செய்து வருகிறார். இதனை கண்டித்து தஞ்சை தலைமை தபால் நிலையம் அருகே அதிமுகவினர் ஆர்ப்பாட்டம் நடத்தினர்.
பின்பு அண்ணாமலை உருவ பொம்மையை எரிக்க முற்பட்டபோது போலீசார் அதனை தடுத்து நிறுத்தி உருவ பொம்மையை கைப்பற்ற முயற்சி செய்தனர்.
இதில் போலீசாருக்கும் அதிமுகவினருக்கும் இடையே பெரும் தள்ளுமுள்ளு ஏற்பட்டது இந்த தள்ளுமுள்ளில் காவலர் ஒருவர் அதிமுக நிர்வாகி ஒருவரை அடித்ததால் பெரும் பரபரப்பு ஏற்பட்டது.
இதனால் அதிமுகவினருக்கும் போலீசாருக்கும் இடையே பெரும் தள்ளுமுள்ளு ஏற்பட்டது இதனால் அங்கு பெரும் பதற்றம் நிலவியது. மேலும் அதிமுகவினர் அண்ணாமலை உருவ படத்தை தொடப்பத்தை கொண்டு அடித்தும் காலால் மிதித்தும் திடீர் ஆர்ப்பாட்டத்தில் ஈடுபட்டனர்.
பின்பு அதிமுகவினரிடம் இருந்து உருவ பொம்மையை போலீசார் கைப்பற்றி தண்ணீர் ஊற்றி அனைத்தனர். இந்த சம்பவம் அப்பகுதியில் மிகுந்த பரபரப்பை ஏற்படுத்தி உள்ளது.
