நத்தத்தில் தமிழக வெற்றிக் கழகம் சார்பில் வளைகாப்பு விழா
திண்டுக்கல் மாவட்டம், நத்தம் யூனியன் அலுவலகம் எதிரே உள்ள அம்மா திருமண மண்டபத்தில் தமிழக வெற்றி கழகம் நத்தம் நகரம் சார்பில் மக்கள் தலைவரின் தங்கைகளுக்கு வளைகாப்பு என்ற பெயரில் வளைகாப்பு விழா நடைபெற்றது.
தவெக திண்டுக்கல் கிழக்கு மாவட்ட தலைவர் தேவா தலைமையில் நடைபெற்ற இவ்விழாவில் நத்தம் நகர் பகுதியை சேர்ந்த 51 கர்ப்பிணி பெண்களை வரிசையாக அமர வைக்கப்பட்டு கன்னத்தில் சந்தனமிட்டும், கைகளுக்கு வளையல் அணிவித்தும் வளை காப்பு விழா நடத்தப்பட்டது. கர்ப்பிணி பெண்கள் அனைவருக்கும் பட்டுச்சேலை, வளையல் பரிசு தொகுப்பு உள்ளிட்ட சீர்வரிசை பொருட்கள் வழங்கப்பட்டது. பின்னர் வளைகாப்பின் சிறப்பம்சமான 7 வகையான உணவுகள் பரிமாறப்பட்டது. இதில் தமிழக வெற்றி கழகத்தின் மாவட்ட, ஒன்றிய, நகர நிர்வாகிகள் பலர் கலந்து கொண்டனர்
