பாபநாசம் அருகே மாணவர்-மாணவிகளிடையே நடைபெற்ற, வருவாய் மாவட்ட அளவிலான 30 – கிலோமீட்டர் தூரம் கொண்ட விரைவு சைக்கிள் ஓட்டபந்தயம்..
15-க்கும் மேற்பட்ட பள்ளிகளில் இருந்து 50-க்கும் மேற்பட்ட மாணவ-மாணவிகள் போட்டியில் கலந்து கொண்டனர்..
தஞ்சாவூர் மாவட்டம் பாபநாசம் அருகே வழுத்தூரில் அமைந்துள்ள சவுக்கத்துல் இஸ்லாம் மேல்நிலைப் பள்ளியின் சார்பில், தமிழக அரசால் கல்வித் துறையினரால் நடத்தப்பட்டு வரும் பாரதியார் தினம் மற்றும் குடியரசு தின, வருவாய் மாவட்ட அளவிலான விரைவு சைக்கிள் ஓட்டும் பந்தயம் நடைபெற்றது. இதில் பட்டுக்கோட்டை, பேராவூரணி, ஒரத்தநாடு, கும்பகோணம் உட்பட பல்வேறு பகுதிகளில் இருந்து 15-க்கும் மேற்பட்ட பள்ளிகளில் இருந்து 50-க்கும் மேற்பட்ட மாணவர்-மாணவிகள் பசுபதி கோயிலில் இருந்து வீரசிங்கம்பேட்டை எல்லை வரை, சுமார் 30-கிலோ மீட்டர் தூரம் கொண்ட போட்டியில் கலந்து கொண்டனர். சைக்கிள் போட்டியில் வெற்றி பெற்ற முதல் மூன்று இடங்களை பெற்றவர்களுக்கு பதக்கங்களும், சான்றிதழ்களும் வழங்கப்பட்டது. இதில் முதல் இடத்தைப் பிடித்த மாணவ மாணவிகளுக்கு மாநில அளவில் நடைபெறும் போட்டியில் கலந்து கொள்வதற்கான ஏற்பாடுகள் செய்யப்பட்டது.
