காமாட்சி அம்மன் ஆலயத்தில் அம்பாள் திரு நட்சத்திரத்தை ஒட்டி திருவிளக்கு பூஜை
காஞ்சிபுரம் அன்னை காமாட்சி அம்மன் ஆலயத்தில் அம்பாள் திரு நட்சத்திரத்தை ஒட்டி திருவிளக்கு பூஜை 500 ம் மேற்பட்ட பெண்கள் பங்கேற்பு.
காஞ்சிபுரம் காமாட்சி அம்மன் ஆலயத்தில் அம்பாளின் திருநட்சத்திரமான பூர நட்சத்திரத்தை ஒட்டி அம்பாளுக்கு சிறப்பு அபிஷேக ஆராதனைகள் மற்றும் சிறப்பு தீபாரதனைகள் நடைபெற்றது இதனைத் தொடர்ந்து ஆலய வளாகத்தில் உள்ள கொலு மண்டபத்தில் திருவிளக்கு பூஜை நடைபெற்றது.
இதில் 500க்கும் மேற்பட்ட பெண்கள் கலந்து கொண்டு பக்தி பாடல்கள் பாடி தீபாராதனைகள் சமர்ப்பித்து வழிபாடு செய்தனர். கலந்து கொண்ட அனைவருக்கும் பிரசாதங்களும் வழங்கப்பட்டது.
இதனைத் தொடர்ந்து சிறப்பு தங்க ரத உற்சவமும் நடைபெற்றது இதில் அம்பாள் சிறப்பு அலங்காரத்தில் எழுந்தருளிஆலய வளாகத்தில் வலம் வந்து பக்தர்களுக்கு காட்சியளித்தார் ஏராளமான பக்தர்கள் கலந்து கொண்டு அம்பாளின் அருளை பெற்று சென்றனர்.
