கனமழை காரணமாக தனியார் வாகன காப்பகத்தின் சுவர் இடிந்து 10 கார்கள் 2 ஆட்டோக்கள் சேதமானது
விருதுநகர் மாவட்டம் ராஜபாளையம் பகுதியில் பெய்த கனமழை காரணமாக சத்திரப்பட்டி சாலையில் உள்ள தனியார் வாகன காப்பகத்தின் சுவர் இடிந்து 10 கார்கள் 2 ஆட்டோக்கள் சேதமானது….
விருதுநகர் மாவட்டம் ராஜபாளையத்தில் நேற்று இரவு 11 மணி முதல் அதிகாலை 2 மணி வரை சுமார் மூன்று மணி நேரம் பலத்த காற்று மற்றும் இடி மின்னலுடன் கூடிய கனமழை கொட்டி தீர்த்தது.
இதன் காரணமாக சாலைகளில் மழைநீர் பெருக்கெடுத்து ஓடியது. இதனிடையே ராஜபாளையம் சத்திரப்பட்டி சாலை ஆனந்த் திரையரங்கம் அருகே உள்ள தனியார் வாகன காப்பகத்தின் ஒரு பக்க மதில் சுவர் இடிந்து விழுந்தது. இதில் சுவரை ஒட்டி நிறுத்தி வைக்கப்பட்டிருந்த 10 சொகுசு கார்கள் இரண்டு ஆட்டோக்கள் இரண்டு டூவீலர்கள் முற்றிலும் சேதமடைந்தன. அதிகாலை நேரம் என்பதால் அசம்பாவிதம் தவிர்க்கப்பட்டது.
நகரின் முக்கிய பகுதியில் உள்ள வாகன காப்பகத்தின் சுவர் கன மழை காரணமாக இடிந்து விழுந்தது அப்பகுதியில் பெரும் பரபரப்பை ஏற்படுத்தியுள்ளது.
