எல்லையை தாண்டி மீன்பிடித்தாதாக கூறி படகை நோக்கி இலங்கை கடற்படையினர் துப்பாக்கி சூடு
காரைக்கால் அடுத்த கிளிஞ்சல் மேடு மீனவ கிராமத்தைச் சேர்ந்த ஆனந்தவேல் என்பவருக்கு சொந்தமான விசைப்படகில் 13 மீனவர்கள் நேற்று முன்தினம் கடலுக்குள் மீன் பிடிக்க சென்றனர்.
இன்று அதிகாலை கோடியக்கரை தென்கிழக்கு கடலில் மீன் பிடித்து கொண்டு இருக்கும் போது இந்திய கடல் எல்லையை தாண்டி மீன்பிடித்தாதாக கூறி படகை நோக்கி இலங்கை கடற்படையினர் துப்பாக்கி சூடு நடத்தியுள்ளனர்.
இதில் அச்சமடைந்த இரண்டு மீனவர்கள் கடலில் குதிக்கும் போது ஓரு மீனவருக்கு கால் முறிவு ஏற்பட்டது.
மேலும் ஒரு மீனவர் காலில் பலத்த காயமடைந்தார்.
இரண்டு மீனவர்கள் யாழ்ப்பாணம் அரசு மருத்துவமனையில் சிகிச்சை அனுமதிக்கப்பட்டனர்.
காரைக்கால் மாவட்ட கிளிஞ்சல் மேடு படகின் உரிமையாளர் ஆனந்தவேல் படகு ஏற்கனவே இலங்கை கடற்படையினர் சிறைபிடிக்கப்பட்ட நிலையில் மற்றொரு புதிய விசைப்படகும் சிறைபிடிக்கப்பட்ட சம்பவம் காரைக்கால் மாவட்ட மீனவர்கள் மத்தியில் பரபரப்பை ஏற்படுத்தியுள்ளது.
