காரைக்கால் கடற்கரையில் ஆற்றில் மாயமான இளைஞர். மாயமான இளைஞரை தேடும் பணியில் போலீசார் ஈடுபட்டு வந்தபோது இளைஞர் வீட்டில் ஆற்றில் பிடித்த நண்டை சமையல் செய்ததால் போலீசார் அதிர்ச்சி.
காரைக்கால் அடுத்த கருகளாச்சேரி கிராமத்தை சேர்ந்தவர் இளைஞர் சதீஷ். இவர் இன்று இரவு குடும்பத்தோடு காரைக்கால் கடற்கரைக்கு வந்துள்ளார். இதனை அடுத்து மீண்டும் வீட்டிற்கு குடும்பத்தோடு நடந்து சென்ற போது சதீஷ் திடீரென்று கடற்கரை படகு நிறுத்தும்
அருகே வீட்டிற்கு நடந்து சென்றால் நீண்ட நேரம் ஆகும் என்பதால் எளிதில் வீட்டிற்கு செல்ல அரசலாறு ஆற்றில் குதித்துள்ளார்.
இதனைக் கண்ட சதீஷ் குடும்பத்தினர் அதிர்ச்சி அடைந்து உடனடியாக கடற்கரையில் பாதுகாப்பு பணியில் இருந்த காரைக்கால் நகர போலீசாரிடம் தெரிவித்துள்ளனர். இதனை அடுத்து சம்பவ இடத்திற்கு வந்த போலீசார் மற்றும் தீயணைப்புத் துறையில் ஆற்றில் குதித்த சதீஷை ஒரு மணி நேரத்திற்கு மேலாக தேடி கிடைக்கவில்லை.
அப்பொழுது சதீஷ் கிடைக்காததால் உறவினர்கள் அதிர்ச்சி அடைந்தனர். சிறிது நேரத்தில் சதீஷ் உறவினர்களுக்கு ஃபோன் செய்து வீட்டுக்கு வந்துள்ளதாகவும் ஆற்றில் நண்டு பிடித்ததாகவும் கூறியுள்ளார். இதனை கேட்ட காவல்துறையினர் மற்றும் தீயணைப்பு துறையினர் ஆத்திரமடைந்து சதீஷை ஆற்றில் தேடும் பணியை கைவிட்டு மீண்டும் கரைக்கு வந்து போலீசார் சதீஷிடம் ஃபோன் செய்து விசாரணை செய்ததில் வீட்டிற்கு நடந்து செல்ல நேரமானதால் உடனடியாக ஆற்றில் குதித்து வீட்டிற்கு சென்றதாகவும் வீட்டிற்கு சமையல் செய்ய ஆற்றில் நண்டு பிடித்ததாகவும் தெரிவித்துள்ளார். இதனை அடுத்து போலீசார் சதீஷை இதுபோன்று மீண்டும் செய்யக்கூடாது என்று எச்சரிக்கை செய்தனர். மேலும் நாளை காவல் நிலையம் வர வேண்டும் என்று அறிவுறுத்தினார்கள்.
