ராமேஸ்வரம் அக்னி தீர்த்த கடற்கரையில் புனித நீராடி முன்னோர்களுக்கு தர்ப்பணம்
தை அமாவாசை தினத்தை முன்னிட்டு அதிகாலை முதலே ராமேஸ்வரம் ராமநாதசாமி திருக்கோயில் அக்னி தீர்த்த கடற்கரையில் குவிந்து வரும் பொதுமக்கள் எள், பிண்டம் வைத்து முன்னோர்களுக்கு சிறப்பு வழிபாடு.
தை அமாவாசை தினத்தை முன்னிட்டு ஏராளமான பொதுமக்கள் அதிகாலை முதலே உலகப் பிரசித்தி பெற்ற ராமேஸ்வரம் ராமநாதசாமி திருக்கோயில் அக்னி தீர்த்த கடற்கரையில் புனித நீராடி முன்னோர்களுக்கு தர்ப்பணம் கொடுத்து வருகின்றனர்.
அதாவது, மாதம் தோறும் அமாவாசை தினம் வந்தாலும் ஆடி மாதம் வரும் அமாவாசை மற்றும் புரட்டாசி மாதம் வரும் மாகாளய அமாவாசை, தை மாதம் வரும் தை அமாவாசை உள்ளிட்ட அமாவாசை தினங்களில் விரதம் இருந்து முன்னோர்களை வழிபட்டால் முன் ஜென்ம பாவங்கள் நீங்கி, அவர்களது வாழ்வு செழிக்கும் என ஐதீகம் கூறும் நிலையில், இந்த அமாவாசை தினங்களில் ஏராளமான பொதுமக்கள்புனித நீராடி தங்களது முன்னோர்களுக்கு தர்ப்பணம் கொடுத்து வழிபடுவது வழக்கம்.
அந்த வகையில், மிகவும் சிறப்பான அமாவாசையான தை அமாவாசை தினமானது இன்று அனுசரிக்கப்படும் நிலையில், தை அமாவாசை தினத்தை முன்னிட்டு ஏராளமான பொதுமக்கள் அதிகாலை முதலே ராமேஸ்வரம் ராமநாதசாமி திருக்கோயிலின் அக்னி தீர்த்த கடற்கரையில் புனித நீராடி எள், பிண்டம் வைத்து சிறப்பு பூஜைகள் செய்து கோயிலுக்குள் உள்ள 22 புனித தீர்த்தம் அடி ராமநாதசுவாமி பர்வதவர்த்தினி அம்பாள் வழிபட்டு வருகின்றனர்.
ராமேஸ்வரம் ஒரு வழி சாலையாக இருக்கும் பட்சத்தில் போக்குவரத்து நெரிசலை தடுக்க மாற்று வழிச்சாலைகள் அமைக்கப்பட்டுள்ளன 500க்கும் மேற்பட்ட போலீசார் பாதுகாப்பு பணியில் ஈடுபடுத்தி உள்ளனர்.
