மதுரையில் தை அமாவாசை விரதம் ஏராளமானோர் வழிபாடு
கோயில் மற்றும் நீர் நிலைகளில் பிதுர்களுக்கு திதி கொடுத்து ஏராளமானோர் வழிபாடு
மதுரை ஜன: 29, மதுரையில் தை அமாவாசையை முன்னிட்டு கோவில் மற்றும் வைகை ஆறு உள்ளிட்ட நீர்நிலை பகுதிகளில் பிதுர்களுக்கு திதி கொடுகும் நிகழ்வு இன்று நடைபெற்றது.
இதில், ஏராளமானோர் தங்களின் பிதுர்களுக்கு திதி கொடுத்து வழிபாடு நடத்தி நெய்விளக்கு போட்டு அன்னதானம் வழங்கினர்.
தை மாதத்தில் வருகின்ற அமாவாசை தை அமாவாசை விரதம் எனச் சிறப்புப் பெற்றதாகும் . தமிழ் மாதங்களில் எல்லா மாத அமாவாசை நாட்களுமே சிறப்பானவை என்பதால் தாய், இழந்தோர் தங்களின் பெற்றோர் மற்றும் மூதாதையரை கருத்தில் நினைத்து அமாவாசை நாட்களில் விரதம் கடைப்பிடிக்க வேண்டும் என்பது ஐதீகம்.
மேலும், முன்னோரது ஆசி பெற அமாவாசை என்பது புண்ணிய நாட்களாகும் என்றும் தை அமாவாசை நாளில் நம் முன்னோருக்கு உணவு , புத்தாடை படைத்து வழிபாடு செய்ய வேண்டும் என்பதை முன்னோர்கள் கடைபிடித்து வந்துள்ளனர்.
அந்த வகையில் ஆடை மற்றும் உணவுகளை நாம் ஏழைகளுக்கு தானமாக கொடுப்பதன் மூலம் அளவற்ற நன்மைகள் நம் வாழ்வில் உண்டாவதை நாம் உணர முடியும். தடைபட்ட திருமணம், நாள்பட்ட வருத்தம் ஆகியவை இல்லத்திலும், உள்ளத்திலும் நீண்ட விலகி நோய் நொடிகள், மன சந்தோஷமும் மனநிறைவும் நம் ஊற்றெடுக்கும்.
அந்த வகையில் மதுரை மேலமாசி வீதியில் அமைந்துள்ள பிரசித்தி பெற்ற இம்மையிலும் நன்மை தருவார் திருக்கோயிலில் ஏராளமானோர் தங்களின் பிதுர்களுக்கு திதி கொடுத்து வழிபாடு நடத்தி நெய்விளக்கு போட்டு அன்னதானம் வழங்கினார்கள் .
இதே போன்று மதுரையில் பல்வேறு ஆலயங்களிலும், வைகை ஆறு உள்ளிட்ட நீர்நிலை பகுதிகளிலும், தை அமாவாசையான இன்று மூதாதையர்களுக்கு படையல் செய்து சிறப்பு பூஜை செய்தனர்.
