தஞ்சாவூர் மேலவீதியில் உள்ள மூலை அனுமார் கோயிலில் தை அமாவாசையை முன்னிட்டு சிறப்பு வழிபாடு
தஞ்சாவூர் மேலவீதியில் உள்ள மூலை அனுமார் கோயிலில் சனீஸ்வரன் உட்பட நவக் கிரகங்கள் வாசம் செய்வ தாக ஐதீகம். இத்தலத்தில், பக்தர்கள் தொடர்ந்து 18 அமாவாசைகள் 18 தீப மேற்றி 18 வலம் வந்து வழிபடுவதை வழக்கமாக கொண்டுள்ளனர்.
இங்கு, அமாவாசையன்று வழிபடும் பக்தர்களுக்கு சூட்சும ரூபத்தில் ஒருவித ஆதர்ஷண அலைகள் கிடைக்கிறது என்பது பக்தர்களின் நம்பிக்கை. இத்தகைய பல்வேறு சிறப்பு வாய்ந்த இக்கோவிலில் தை அமாவாசையை முன்னிட்டு சிறப்பு வழிபாடு நடைபெற்றது.
அனுமாருக்கு காலை முதல் பல்வேறு அபிஷேகங்களும் அலங்காரங்களும் நடைபெற்றது அடுத்து.
மாலை 6 மணிக்கு வாழைப் பழங்களான சிறப்பு அலங்காரமும் மூலவருக்கு 1008 எலுமிச்சை பழங்களான மாலை சாத்தி சிறப்பு தீபாராதனை காட்டப்பட்டது.
அமாவாசை அன்று அனுமாரை வழிபடுவதால் தடைகள் நீங்கும், மன அமைதி கிடைக்கும், தைரியம் அதிகரிக்கும், சனிதோஷங்கள் விலகும் என்பதால் ஏராளமான பக்தர்கள் சாமி தரிசனம் செய்தனர்.
