சாத்தனூரில் ஒரே நாளில் ஐந்துக்கும் மேற்பட்ட கோயில்களில் மகா கும்பாபிஷேகம்
தஞ்சை மாவட்டம் திருவிடைமருதூர் அருகே 51 சாத்தனூரில் ஒரே நாளில் ஐந்துக்கும் மேற்பட்ட கோயில்களில் மகா கும்பாபிஷேகம் ஏராளமான பக்தர்கள் கலந்து கொண்டு வழிபாடு.
தஞ்சை மாவட்டம் திருவிடைமருதூர் அருகே 51 சாத்தனூர் பகுதியில் அமைந்துள்ள ஸ்ரீ வர சித்தி விநாயகர், ஸ்ரீ பூர்ணா புஷ்கலாம்பாள் சமேத ஸ்ரீ அய்யனார், ஸ்ரீ பிடாரியம்மன், ஸ்ரீ வீரனார், ஸ்ரீ கருப்பண்ணசாமி, ஸ்ரீ சப்த கன்னிகை மற்றும் அனைத்து பரிவாரங்களுக்கும் ஜீர்னோத்தாரண அஷ்ட பந்தன மகா கும்பாபிஷேகமும் ஸ்ரீ லட்சுமி நாராயண பெருமாள் பட பிரதிஷ்டையும் வெகு விமர்சையாக நடந்தது.
கடந்த 29ஆம் தேதி விக்னேஸ்வர பூஜைகளுடன் தொடங்கி தொடர்ந்து நான்கு கால யாக பூஜைகளுடன் மகா பூர்ணகூதி நடந்தது. தொடர்ந்து பூஜிக்கப்பட்ட புனித நீர் கொண்ட கலசங்கள் சிவாச்சாரியார்களின் வேத மந்திரங்கள் முழங்கிட நாதஸ்வர மேளதாலங்களுடன் விண்ணதிரும் வான வேடிக்கையுடன் எடுத்துவரப்பட்டு கோயிலில் உள்ள விமானங்களுக்கு புனித நீர் ஊற்றப்பட்டு மகா கும்பாபிஷேக பெருவிழா நடந்தது.
இதில் ஏராளமான பக்தர்கள் கலந்து கொண்டு வழிபாடு நடத்தினர். தொடர்ந்து பக்தர்களுக்கு அருப்பிரசாதம் வழங்கப்பட்டது. விழா ஏற்பாடுகளை கும்பாபிஷேக விழா குழுவினர் மற்றும் மருளாளிகள் செய்திருந்தனர்.
