ஒட்டப்பட்ட அடங்காத அஜித் குரூப்ஸ் ரசிகர்களின் போஸ்டர் மக்களின் கவனத்தை ஈர்ப்பு

ஒட்டப்பட்ட அடங்காத அஜித் குரூப்ஸ் ரசிகர்களின் போஸ்டர் மக்களின் கவனத்தை ஈர்ப்பு

விடாமுயற்சி திரைப்படத்தை பார்க்க மதுரைக்கு வாங்க…! உங்களுக்கு ஒரு சீட்டை விட்டு வைக்கிறோம் நாங்க…! மதுரையில் ஒட்டப்பட்ட அடங்காத அஜித் குரூப்ஸ் ரசிகர்களின் போஸ்டர் மக்களின் கவனத்தை ஈர்ப்பு.

சமீபகாலமாக அஜித் ரசிகர்கள் அஜித்தின் பெயரை துணை பெயருடன் அழைப்பதும் அதை அரசியல் கூட்டங்கள், பொது இடங்கள், கோவில்கள் என அனைத்திலும் “கடவுளே அஜித்தே” என குறிப்பிடுவது தொடர்கதையானது. இது பேசும் பொருளான நிலையில்., நடிகர் அஜித் தனது ரசிகர்களுக்கு அறிக்கை வாயிலாகவும், அதன்பிறகு அவர் பங்கேற்ற ரேசில் வெற்றி பெற்ற பிறகும் செய்தியாளர்கள் சந்திப்பில் ரசிகர்களுக்கு பல ஆலோசனைகள் வழங்கியிருந்தார்.

அதில்., தன்னுடைய பெயரை AK அல்லது அஜித் என்று கூறினால் போதும் எந்த துணை பெயருடன் அழைக்க வேண்டாம், உங்களை எப்போ பாக்க போறீங்க.? குடும்பத்தை கவனியுங்கள் என பேசி இருந்தார்.

இந்த நிலையில், மதுரையை சேர்ந்த அஜித் ரசிகர்கள் 2 ஆண்டுகளுக்கு பிறகு அவரது நடிப்பில் உருவாகியுள்ள விடாமுயற்சி. படம் பிப்ரவரி மாதம் வெளியாக உள்ளது.

இரண்டு ஆண்டுக்குப் பின்பு வெளியாக உள்ள விடாமுயற்சி படம் பொங்கல் பண்டிகைக்கு வெளியிடப்படும் என பலரும் எதிர்பார்த்த நிலையில், புத்தாண்டு இரவு படம் பொங்கலுக்கு வெளியானது என கூறியது ரசிகர்களிடையே பெரும் ஏமாற்றத்தை ஏற்படுத்தியது.

அதன் பிறகு படக்குழு விடாமுயற்சி படத்தை பிப்ரவரி மாதம் வெளியிடப்படும் என அறிவித்த நிலையில், உலகம் எங்கும் உள்ள அஜித் ரசிகர்கள் படத்தை கொண்டாடுவதில் ஆவலுடன் காத்திருக்கின்றனர்.

அதிலும் மதுரையைச் சேர்ந்த அஜித் ரசிகர்கள் எப்போதும் அவரது படத்தை கொண்டாடுவதிலும் தனிதிறமை பெற்றவர்கள் என்றே கூறலாம், வித்தியாசமாக நூதன முறையில் புதிது புதிதாக கொண்டாடுவதில் கவனம் பெற்றவர்கள்.

அந்த வகையில்., விடாமுயற்சி படத்திற்காக மதுரையைச் சேர்ந்த அடங்காத அஜித் குரூப்ஸ் ரசிகர்கள் மதுரை முழுவதும் போஸ்டர் ஒன்றை ஒட்டியுள்ளார்கள் அதை பார்ப்பவர்களை வெகுவாக கவர்ந்து வருகிறது.

அந்த போஸ்டரில்.,

பத்மபூஷன் திரு.அஜித் அவர்களுக்கு வேண்டுகோள்.

விடாமுயற்சி திரைப்படத்தை பார்க்க மதுரைக்கு வாங்க.

உங்களுக்கு ஒரு சீட்டை விட்டு வைக்கிறோம் நாங்க.

நாங்கள் உங்களை கொண்டாடுவதை நேரில் பாருங்க அவளுடன் காத்திருக்கிறோம். என மதுரையை சேர்ந்த அடங்காத அஜித் குரூப்ஸ் ரசிகர்கள் ஒட்டிய போஸ்டர் பார்ப்பவர்களை கவரசெய்து வருகிறது.