மிகத் தாழ்ந்த நிலையில் உள்ளவர்கள் பயன்பெறும் வகையில் இந்திய அரசியலமைப்புச் சட்டத்தில் கொண்டுவரப்பட்ட 10% இட ஒதுக்கீட்டை ரத்து செய்த நிலையில் அதற்காக போராடி அதை மீண்டும் பெற்று தந்த பெருமை தந்தை பெரியார், பேரறிஞர் அண்ணா, கலைஞரையே சாரும் என்றும் ஒன்றிய அரசின் விஸ்வகர்மா திட்டத்தில் ஜாதி ரீதியாக தொழில் ரீதியாக ஏற்றத்தாழ்வு உள்ளதால் தமிழக முதல்வர் அதை ஏற்றுக்கொள்ள மறுத்துவிட்டார் என தமிழக சட்டப்பேரவை தலைவர் அப்பாவு நெல்லை விழாவில் தெரிவித்துள்ளார்.
ஆதிதிராவிடர் பழங்குடியினர் பிற்படுத்தப்பட்டோர் மிகவும் பிற்படுத்தப்பட்டோர் மற்றும் சிறுபான்மையினர் ஆகியோருக்கு நலத்திட்ட உதவிகள் வழங்கும் விழா மாவட்ட நிர்வாகம் சார்பில் நெல்லை பாளையங்கோட்டை நேருஜி கலையரங்கில் மாவட்ட ஆட்சித் தலைவர் கார்த்திகேயன் தலைமையில் நடைபெற்றது இதில் தமிழக சட்டப்பேரவை தலைவர் அப்பாவு சிறப்பு அழைப்பாளராக கலந்துகொண்டு 294 பயனாளிகளுக்கு 2 கோடியே 6 லட்சத்து 86 ஆயிரம் ரூபாய் மதிப்பில் நலத்திட்ட உதவிகளை வழங்கினார். பின்னர் அவர் விழா பேருரை ஆற்றி பேசுகையில் அம்பேத்கரின் 68 ஆவது நினைவு தினத்தை முன்னிட்டு சாமானிய ஏழை எளிய மக்கள் பயன்பெறும் வகையில் அவர்களை தொழில் முனைவோர்களாக மாற்றும் திட்டத்தை முதல்வர் அவர்கள் இன்று தொடங்கி வைத்துள்ளார் ஒரு காலத்தில் குறிப்பிட்ட சமுதாயத்தைச் சேர்ந்த மக்களுக்கு கல்வி வேலைவாய்ப்பு மறுக்கப்பட்டது.
அனைவருக்கும் கல்வி வேலைவாய்ப்பு கிடைக்க வேண்டும் என அரும்பாடு பட்டவர்கள் பெரியார் , அண்ணா, கலைஞர், காமராஜர் ஆகியோர் ஆகையால் இன்று எல்லாம் எல்லோருக்கும் கிடைக்கிறது. குறிப்பாக இந்திய அரசியல் அமைப்பு சட்டத்தை வகுத்தவர் அம்பேத்கர், அவர் அந்த சட்டத்தில் மிக தாழ்ந்த நிலையில் இருப்பவர்கள் பாதிக்க கூடாது என்பதற்காக 10 சதவீத இட ஒதுக்கீடு தந்தார். ஆனால் இதனை எதிர்த்து நீதிமன்றத்தில் வழக்கு நடந்தது. இதில் அனைத்து நீதிமன்றங்களின் தீர்ப்பிலும் 10 சதவீத இட ஒதுக்கீடு ரத்து செய்யப்பட்டது. இதனை தந்தை பெரியார், அண்ணா, கலைஞர் ஆகியோர் எதிர்த்து தீவிரப் போராட்டத்தில் ஈடுபட்டனர். அப்போது முதல்வராக இருந்த காமராஜர் பிரதமர் நேருவிடம் இட ஒதுக்கீடு அவசியம் என்பதை வலியுறுத்தியதை அடுத்து தமிழகத்திற்காக முதன் முதலாக இந்திய அரசியல் அமைப்பில் திருத்தம் கொண்டுவரப்பட்டு இட ஒதுக்கீடு வழங்கப்பட்டது.
ஒன்றி அரசு கொண்டு வந்துள்ள விஷ்வகர்மா திட்டத்தை முதல்வர் ஏற்றுக்கொள்ளாத காரணம் அந்த திட்டத்தில் சாதி ரீதியாக, தொழில் ரீதியாக ஏற்றத்தாழ்வு உள்ளது. குலத்தொழிலை செய்ய வேண்டும் என இந்த திட்டம் சொல்கிறது, இதன் சில சரத்துக்களை மாற்றி அமைத்தால் இந்த திட்டத்தை ஏற்றுக் கொள்ளலாம் , முதல்வர் இந்த திட்டத்தை முதல்வர் ஏற்றுக்கொள்ளத நிலையில் அரசு சார்பில் ஏழை எளிய சாமானிய மக்கள் பயன்பெறும் வகையில் மானியத்துடன் கடன் வழங்கப்பட்டு வருகிறது என தெரிவித்தார்.
இதனைத்தொடர்ந்து நூற்றாண்டு மண்டபத்தில் நடந்த சம்பந்தி விருந்தில் சபாநாயகர், ஆட்சியர் உள்ளிட்ட அனைவருல் கலந்து கொண்டனர். இந்த நிகழ்ச்சியில் பாளையங்கோட்டை சட்டமன்ற உறுப்பினர் அப்துல்வகாப், மேயர் ராமகிருஷ்ணன், துணை மேயர் ராஜூ, மாநகராட்சி ஆணையர் சுகபுத்துரா மற்றும் அதிகாரிகள் தூய்மைப் பணியாளர்கள் கலந்து கொண்டனர்.
