திருவாரூரில் புதிய மருத்துவ காப்பீடு திட்டத்தில் உள்ள குளறுபடிகளை சரி செய்ய வலியுறுத்தி தமிழ்நாடு ஓய்வு பெற்ற பள்ளி, கல்லூரி ஆசிரியர்கள் நல சங்கத்தினர் 9 அம்ச கோரிக்கைகளை வலியுறுத்தி தப்படித்து தர்ணா போராட்டத்தில் ஈடுபட்டனர்.
திருவாரூர் புதிய ரயில் நிலையம் முன்பாக நடைபெற்ற இந்த தர்ணா போராட்டத்தில் அரசாணை 204 – ன் படி ஓய்வூதியர்களுக்கு கட்டணம் இல்லா சிகிச்சை வழங்குவதை உறுதிப்படுத்த வேண்டும், அதிக கட்டணம் வசூல் செய்யும் மருத்துவமனைகள் மீது நடவடிக்கை எடுக்க வேண்டும், சிகிச்சை செலவு குறைத்து வழங்கும் காப்பீடு நிறுவனங்கள் மீது நடவடிக்கை எடுக்க வேண்டும் என்பன உள்ளிட்ட 9 அம்ச கோரிக்கைகளை வலியுறுத்தி தப்படித்து நூதன முறையில் கோஷங்கள் எழுப்பி போராட்டத்தில் ஈடுபட்டனர்.
