கார்த்திகை மாத சித்தரை நட்சத்திரத்தை முன்னிட்டு சக்கரத்தாழ்வாருக்கு கூட்டு வழிபாடு
நாமக்கல் மோகனுார் பெருமாள் ஆலயத்தில் கார்த்திகை மாத சித்தரை நட்சத்திரத்தை முன்னிட்டு சக்கரத்தாழ்வாருக்கு கூட்டு வழிபாடு
நாமக்கல் மாவட்டம் மோகனூர் அக்ரஹாரத்தில் உள்ள அருள்மிகு கல்யாண பிரசன்ன வெங்கட்ரமண பெருமாள் ஆலயத்தில் கார்திகை மாதசித்திரை நட்சத்திரத்தை முன்னிட்டு சக்கரத்தாழ்வாருக்கு சுதர்சன கூட்டு வழிபாடு நிகழ்வு மிகச் சிறப்பாக நடைபெற்றது.
முன்னதாக சிறப்பு யாக வேள்விகள் அமைத்து யாகம் பூர்ணாகதியுடன் நிறைவுற்று தனி சன்னதியில் உள்ள ஸ்ரீசக்கரத்தாழ்வார் மற்றும் உற்சவர் சக்கரத்தாழ்வாருக்கு பஞ்சாமிர்தம் தேன் பால் தயிர் மஞ்சள் திருமஞ்சனம் மற்றும் கலச அபிஷேகம் செய்யப்பட்டு பின்னர் அலங்காரம் செய்யப்பட்டு நட்சத்திர தீபம் உட்பட மகா தீபம் காண்பிக்கப்பட்டது.
அப்போது ஸ்ரீ சக்கரத்தாழ்வாருக்கு துளசி மற்றும் நறுமண மலர்களால் அர்ச்சனை செய்யப்பட்டது இதில் ஏராளமானோர் தரிசனம் பெற்றுச் சென்றனர். அனைத்து விதமான சங்கடங்களை நீக்கும் ஸ்ரீ சக்கரத்தாழ்வார் சுதர்சன கூட்டு வழிபாட்டில் ஏராளமானோர் தரிசனம் பெற்று சென்றனர்.
