துணை முதல்வர் உதயநிதி ஸ்டாலின் பிறந்தநாள் விழா தூய்மை பணியாளர்களுக்கு இலவச வேட்டி, சேலை
துணை முதல்வர் உதயநிதி ஸ்டாலின் பிறந்தநாள் விழா. சிதம்பரத்தில் நகர்மன்ற தலைவர் கே.ஆர் செந்தில்குமார் அன்னதானம் வழங்கினார். தூய்மை பணியாளர்களுக்கு இலவச வேட்டி, சேலை வழங்கப்பட்டது
திமுக இளைஞரணி செயலாளரும், தமிழக துணை முதலமைச்சருமான உதயநிதி ஸ்டாலின் பிறந்த நாள் விழா இன்று சிதம்பரத்தில் சிறப்பாக கொண்டாடப்பட்டது.
சிதம்பரம் நகரில் உள்ள 17வது வார்டு சின்ன செட்டி தெருவில் நடைபெற்ற நிகழ்ச்சிக்கு திமுக கவுன்சிலரும், நகர்மன்ற கொறடாவுமான ஜேம்ஸ் விஜயராகவன் தலைமை தாங்கினார். இந்நிகழ்ச்சியில் திமுக நகர செயலாளரும், நகர்மன்றத் தலைவருமான கே.ஆர். செந்தில்குமார் பங்கேற்று ஏழை, எளிய மக்களுக்கு இனிப்புகளையும், அறுசுவை உணவையும் வழங்கினார்.
பின்னர் சிதம்பரம் நகரின் 4வது வார்டில் நகர துணை செயலாளர் பாலசுப்பிரமணியம் தலைமையில் பிறந்த நாள் விழா நிகழ்ச்சி நடைபெற்றது. இதில் நகர்மன்றத் தலைவர் கே.ஆர். செந்தில்குமார் பங்கேற்று தூய்மை பணியாளர்களுக்கு இலவச வேட்டி, சேலை உள்ளிட்டவற்றை வழங்கினார்.
இதைத்தொடர்ந்து சிதம்பரம் பஸ் நிலையம் அருகில் திமுக இளைஞரணி சார்பில் நடைபெற்ற உதயநிதி ஸ்டாலின் பிறந்த நாள் நிகழ்ச்சிக்கு நகர இளைஞரணி அமைப்பாளர் மக்கள் அருள் தலைமை தாங்கினார். இதில் நகர செயலாளர் கே.ஆர். செந்தில்குமார் பங்கேற்று ஏழை, எளிய மக்களுக்கு அன்னதானம் வழங்கினார்.
