வேதாரண்யம் அருகே கோடியக்கரையில் கரை ஒதுங்கிய போதைப்பொருள் மெத்த பெட்டமைன் என்பது உறுதியானது .
நாகை மாவட்டம் வேதாரண்யம் அடுத்த கோடியக்கரை கடற்கரையில் கடந்த 1ம் தேதி இரண்டு பிளாஸ்டிக் டப்பாக்கள் கரை ஒதுங்கி கிடப்பதாக போலீசாருக்கு மீனவர்கள் தகவல் அளித்தனர்.
போலீசார் விரைந்து வந்து கடற்கரையில் ஒதுங்கி கிடந்த 2 கிலோ எடை கொண்ட இரண்டு பிளாஸ்டிக் டப்பாக்களை கைப்பற்றினர்.
பின்பு சென்னையில் உள்ள ஆய்வகத்தில் இந்த போதைப் பொருளை சோதனை செய்ததில் மெத்த பெட்டமைன் என்ற போதை பொருள் என்பது உறுதியானது.
இதன் சர்வதேச சந்தையின் மதிப்பு 3 கோடி ரூபாய் எனவும், இந்த போதைப் பொருளை கடற்கரையில் கரை ஒதுங்கியது எப்படி? யார் கடத்தியது ? என்பது குறித்து விசாரணை நடைபெற்று வருவதாகவும் வேதாரண்யம் கடலோர காவல் குழும துணை கண்காணிப்பாளர் சுரேஷ் கூறியுள்ளார்
