நினைத்த காரியங்கள் நிறைவேற வேண்டி முருகப்பெருமானுக்கு வழிபாடுகள்
சிவகங்கை ஶ்ரீ விஷ்ணுதுர்க்கை அம்மன் திருக்கோவிலில் பக்தர்கள் வேண்டுதல் நிகழ்வாக உற்சவர் முருகப் பெருமானுக்கு சிறப்பு அலங்கார ஆராதனைகளும் சிறப்பு பூஜைகளும் நடைபெற்றது.
சிவகங்கை மாவட்டம் சிவகங்கை நகர் மையப் பகுதியில் அமைந்துள்ள பிரசித்தி பெற்ற அருள்மிகு ஸ்ரீ விஷ்ணுதுர்க்கை அம்மன் திருக்கோவிலில் பக்தர்கள் தங்கள் நினைத்த காரியங்கள் நிறைவேற வேண்டி முருகப்பெருமானுக்கு வழிபாடுகள் நடத்தி வருகின்றனர்.
இதன் ஒரு நிகழ்வாக உற்சவர் முருகப்பெருமானையும் வள்ளி தெய்வானை தேவியர்களை சர்வ அலங்காரத்தில் எழுந்தருள செய்தனர் தொடர்ந்து சிறப்பு பூஜைகள் நடைபெற்று பக்தர்கள் பெயர் ராசி நட்சத்திரத்திற்கு சங்கல்ப பூஜையை நடத்தினர்.
பின்னர் உதிரி புஷ்பங்களால் அர்ச்சனைகள் செய்து முருகப்பெருமானுக்கு அலங்கார தீபம் நாகதீபம் கும்ப தீபம் காண்பித்து ஆறுமுக கொண்ட பஞ்சமுக கற்பூர ஆராதனை காண்பிக்கப்பட்டது. இதில் ஏராளமான பக்தர்கள் கலந்து கொண்டு முருகப்பெருமானை வழிபட்டனர்.
