பேரையூர் அருகே ஆர்.பி.உதயக்குமாருடன் சென்ற வாகனங்கள் மீது அமமுகவினர் தாக்குதல் – அதிமுக நிர்வாகி படுகாயம்
மதுரை மாவட்டம் உசிலம்பட்டி அருகே அத்திபட்டியில் நடைபெற்ற அதிமுக செயல்வீரர்கள் கூட்டத்தில் கலந்து கொண்ட பின் முன்னாள் அமைச்சர் ஆர்.பி.உதயக்குமார் திருமங்கலம் செல்ல மங்கல்ரேவு வழியாக சென்றார்.,
ஆர்.பி.உதயக்குமார் வந்த வாகனத்தை இடை மறித்த அமமுகவினர், டிடிவி தினகரனை தவறாக பேசியதாகவும், ஆர்.பி.உதயக்குமாருக்கு எதிராகவும் கோசம் எழுப்பியவாறு வாகனங்களை தாக்கியதாக கூறப்படுகிறது.,
இதில் ஆர்.பி.உதயக்குமாருடன் வந்த 4 கார்கள் மற்றும் மதுரை புறநகர் மேற்கு மாவட்ட இளைஞர் பாசறை இணை செயலாளர் தினேஷ்குமார் படுகாயமடைந்தார்., அவருடன் உசிலம்பட்டியைச் சேர்ந்த அபினேஷ், விஷ்ணு என்ற இருவரும் சிறுகாயமடைந்த நிலையில் உசிலம்பட்டி அரசு மருத்துவமனையில் முதலுதவி சிகிச்சை அளிக்கப்பட்டு மேல் சிகிச்சைக்காக அனுப்பி மதுரை வைக்கப்பட்டனர்.,
ஆர்.பி.உதயக்குமாரும் அரசு மருத்துவமனைக்கு நேரில் வந்து அதிமுக நிர்வாகி தினேஷ்குமாருக்கு தீவிர சிகிச்சை அளிக்க வேண்டும் என கேட்டுக் கொண்டார்.
