மனைவி ஷோபாவிற்கு திருமண நாளில் பரிசளித்த எஸ்.ஏ. சந்திரசேகர்
நடிகர் விஜய்யின் தந்தையும் பிரபல இயக்குநருமான எஸ்.ஏ. சந்திரசேகர், விஜய்யின் தாயார் ஷோபாவின் 52வது திருமண ஆண்டு விழாவில் புத்தம் புதிய பி.எம்.டபிள்யூ காரை பரிசளித்துள்ளார்.
எஸ் ஏ சந்திரசேகர் 1973 ஆம் ஆண்டு ஷோபாவை திருமணம் செய்து கொண்டார் . தனது 52வது திருமண நாளை கொண்டாடும் விதமாக மனைவி ஷோபாவை அழைத்து சென்று பி எம் டபிள்யூ காரை திருமண பரிசாக கொடுத்திருக்கிறார்.
ஷோரூம் இல் இருந்து காரை எடுத்து தனது மனைவியை அதில் உட்கார வைத்து ஓட்டும் வீடியோவை இன்ஸ்டா…வில் பதிவிட்டு இருக்கிறார் எஸ் ஏ சந்திரசேகர்.
வியாழக்கிழமை வெளியிடப்பட்ட ஒரு வீடியோ கிளிப்பில், இயக்குனர் எஸ்.ஏ. சந்திரசேகர், “எனக்கு திருமணமாகி 52 ஆண்டுகள் ஆகின்றன. இந்த காலகட்டத்தில், நான் பல பிரச்சனைகளை சந்தித்திருக்கிறேன்.
நான் அவளை (என் மனைவியை) பல வழிகளில் தொந்தரவு செய்துள்ளேன். நான் அவளுக்கு ஏற்படுத்திய அனைத்து பிரச்சனைகளையும் தாங்கி, ஒரு பெண் 52 ஆண்டுகளாக என்னுடன் மகிழ்ச்சியாக வாழ்ந்துள்ளார்.
இதைப் பற்றி நான் நினைக்கும் போது, நீங்கள் புதிதாக திருமணமானபோது உங்கள் மனைவிக்கு பரிசுகளை வழங்குவது ஒரு சாதாரண விஷயம். அவளுடன் எனது 52 வருட வாழ்க்கையைப் பற்றி யோசித்த பிறகு, நான் அவளுக்கு ஒரு விலையுயர்ந்த காரை பரிசளித்துள்ளேன்.
பி.எம்.டபிள்யூ ஃபைவ் காரை பரிசளித்துள்ளேன். அதை நினைக்கும் போது எனக்கு பெருமையாகவும் மகிழ்ச்சியாகவும் இருக்கிறது. ” வெட்டிங் ஆனிவர்சரி கிப்ட் ஃபார் மை லவ்” என பதிவிட்டுள்ளார்.
