உலக புற்றுநோய் தினத்தை முன்னிட்டு பள்ளி மாணவர்கள் விழிப்புணர்வு பேரணி
எம் ஐ டி கல்வி நிறுவனங்களின் துணைத் தலைவர் பிரவீன் குமார் அவர்களின் அறிவுரைப்படி, கல்வி நிறுவன செயலாளர் மோனிகா பிரவீன் குமார் அவர்களின் மேற்பார்வையில் உலக புற்றுநோய் தினத்தை முன்னிட்டு எம் ஐ டி போதி வித்யாலயா பள்ளி மாணவ மாணவிகளின் விழிப்புணர்வு பேரணி நடைபெற்றது.
பேரணிக்கு பள்ளி முதல்வர் நிஷா தலைமை வகித்தார். எம் ஐ டி மகளிர் கலை மற்றும் அறிவியல் கல்லூரி முதல்வர் டாக்டர்.கலைவாணி முன்னிலை வகித்தார். முசிறி கைகாட்டியில் துவங்கியபேரணியை எம்ஐடி கல்வி குழுமங்களின் கல்வி ஆலோசகர் கௌரி ராவ் அவர்கள் கொடி அசைத்து துவக்கி வைத்தார். பேரணியில் எம்ஐடி போதி வித்யாலயா பள்ளி மாணவ மாணவிகள் புற்றுநோய் விழிப்புணர்வு கோஷங்கள் எழுப்பியும், பதாகைகள் ஏந்தியும் சென்றனர். பேரணியின் பாதுகாப்பு ஏற்பாடுகளை முசிறி காவல் உதவி ஆய்வாளர்கள் தலைமையில் போலீசார் செய்திருந்தனர்.
முசிறி கைகாட்டியில் துவங்கிய பேரணி முக்கிய வீதிகள் வழியாக சென்று புதிய பேருந்து நிலையத்தில் நிறைவுற்றது. பேரணியில் முசிறி போதி வித்யாலயா பள்ளியின் ஆசிரியர்கள் மற்றும் மாணவ மாணவிகள் திரளாக கலந்து கொண்டனர்.
