சிவகங்கை அருள்மிகு ஸ்ரீ சுந்தரராஜ பெருமாள் திருக்கோவிலில் ஸ்ரீ சௌமிய நாராயண பெருமாளுக்கு சிறப்பு அபிஷேக ஆராதனை
சிவகங்கை அருள்மிகு ஸ்ரீ சுந்தரராஜ பெருமாள் திருக்கோவிலில் ஸ்ரீ சௌமிய நாராயண பெருமாளுக்கு சிறப்பு அபிஷேக ஆராதனை நடைபெற்றது
சிவகங்கை மாவட்டம் சிவகங்கை நகர் மையப்பகுதியில் அமைந்துள்ள பிரசித்தி பெற்ற அருள்மிகு ஸ்ரீதேவி பூதேவி சமேத ஸ்ரீ சுந்தரராஜ பெருமாள் திருக்கோவிலில் தனி சன்னதி கொண்டு அருள் பாலித்து வரும் ஸ்ரீ சௌமிய நாராயண பெருமாளுக்கு இ ஐ டி பாரி (இந்தியா) லிமிடெட் நிறுவனம் சார்பில் சிறப்பு அபிஷேக ஆராதனைகள் நடைபெற்றது.
இக்கோவிலில் சிறப்பு அம்சமாக இரண்டு பிரதான சன்னதியில ஸ்ரீதேவி பூதேவி தாயார்களுடன் ஸ்ரீ சுந்தரராஜ பெருமாளும் ஸ்ரீ சௌமிய நாராயணப் பெருமாள் அருள் பாலித்து வருகின்றனர்.
ஏகாதசி திருநாளில் மூலவர் சௌமிய நாராயண பெருமாளுக்கு திருமஞ்சன பொடி மஞ்சள் பால் தயிர் தேன் இளநீர் சந்தனம் பன்னீர் உள்ளிட்ட பல வகையான நறுமணத் திரவியங்கள் கொண்டு சிறப்பு அபிஷேகங்கள் நடைபெற்றன.
தொடர்ந்து வண்ணமலர் மாலைகள் கொண்டு சிறப்பு அலங்காரம் செய்து தீப தூப ஆராதனை காண்பித்து துளசி கொண்டு அர்ச்சனைகள் செய்யப்பட்டன நிறைவாக பஞ்சமுக கற்பூர ஆராதனை காண்பிக்கப்பட்டது.
இதில் ஏராளமான பக்தர்கள் கலந்து கொண்டு சௌமிய நாராயணப் பெருமாளை வழிபட்டனர்.
