மது அருந்திவிட்டு தகராறில் ஈடுபட்ட விஜய் ரசிகர்களை பொதுமக்கள் தாக்கியதால் பரபரப்பு
தவெக மாநாடு முடிந்து புதுச்சேரிக்கு வந்து மது அருந்திவிட்டு தகராறில் ஈடுபட்ட விஜய் ரசிகர்களை பொதுமக்கள் தாக்கியதால் பரபரப்பு ஏற்பட்டது.
விழுப்புரத்தில் நடந்த விஜயின் தவெக மாநாட்டிற்கு சென்னையைச் சேர்ந்த விஜய் ரசிகர்கள் 5க்கும் மேற்பட்டோர் வந்து நிலையில் மாநாடு முடிந்து நேற்று இரவு காரில் புதுச்சேரிக்கு வந்தனர்.
அவர்கள் பாண்டி மெரினாவில் மது அருந்தி விட்டு சாப்பாடு வாங்குவதற்காக வம்பாகீரப்பாளையம் வழியாக காரில் வந்தனர். அப்போது எதிரே மோட்டார் சைக்கிளில் வந்த வம்பாகீரப்பாளையத்தைச் சேர்ந்த சக்திவேல், வடிவேல் இருவரை மோதுவது போல் சென்றதாக கூறப்படுகிறது. இதனை கண்டித்த அவர்களை விஜய் ரசிகர்கள் சேர்ந்து சராமரியாக தாக்கினர்.
இதுகுறித்து தகவலறிந்த அப்பகுதியைச் சேர்ந்த 50க்கும் மேற்பட்ட பொதுமக்கள், விஜய் ரசிகர்களை பிடித்து தர்ம அடி கொடுத்தனர்.
தகவலறிந்த ஒதியன்சாலை போலீசார் சம்பவ இடத்திற்கு சென்று இரு தரப்பையும் சமாதனம் செய்து அனுப்பி வைத்தனர். பலத்தகாயமடைந்த விஜய் ரசிகர்கள் மற்றும் சக்திவேல், வடிவேல் ஆகியோர் அரசு பொது மருத்துவமைனயில் சிகிச்சை பெற்று வகின்றனர்.
