நடிகர் விஷால் நடித்த ரத்னம் திரைப்படத்தை பார்க்க வந்தவர்களை சிலம்பாட்ட கலைஞர்களுடன் வரவேற்ற விஷால் ரசிகர்கள்
நீர்மோர்,தர்பூசணி,வெள்ளரி உள்ளிட்ட பழங்களை கொடுத்தும் விஷால் ரசிகர்கள் கொண்டாட்டம்
இயக்குனர் ஹரி இயக்கத்தில் உருவான நடிகர் விஷால் நடித்த ரத்னம் திரைப்படம் என்று நாடு முழுவதும் வெளியானது,
இதேபோல் புதுச்சேரியில் ராஜா, ரத்னா, மற்றும் சண்முகா திரையரங்கிலும் ரத்னம் படம் வெளியானது.
இதனை ஒட்டி விஷால் ரசிகர் உமாபதி விஷால், ரத்னா திரையரங்கில் படம் பார்க்க வந்த ரசிகர்களை சிலம்பாட்டம் கலைஞர்களுடன் வரவேற்றார்.
தொடர்ந்து படம் பார்க்க வந்த விஷால் ரசிகர்களுக்கு நீர்மோர் தர்பூசணி வெள்ளரி உள்ளிட்ட பழங்களையும் கொடுத்து படம் வெற்றி பெற வாழ்த்துக்களையும் தெரிவித்தனர்.
இது குறித்து உமாபதி விஷால் கூறும் போது..
வெயில் காலத்தில் படம் பார்க்க வரும் பொதுமக்கள் தாகத்தோடு இருக்கக் கூடாது என்பதற்காக நீர்மோர், தண்ணீர் பாட்டில், தர்பூசணி மற்றும் வெள்ளரி உள்ளிட்ட உடம்புக்கு குளிர்ச்சி தரும் பழ வகைகளை வழங்கியதாகவும்,மேலும் விஷால் நடித்த திரைப்படம் வெற்றி பெற வேண்டும் எனவும் அவர் வாழ்த்து தெரிவித்தார்.
